Ոստիկանապետության դեմքը. խաղաղ ցուցարարներին անգամ բերման են ենթարկում

Այսօր վաղ առավոտյան ոստիկանների կողմից ապօրինի կերպով բերման են ենթարկվել ՀՅԴ Քաղաքային կոմիտեի նախագահ Սարգիս Կարապետյանն ու շուրջ երկու տասնյակ դաշնակցականներ, որոնք խաղաղ ակցիա էին իրականացնում Երևանի Մհեր Մկրտչյան փողոցում:

Yerikr.am-ին  ՀՅԴ Երևանի Քաղաքային կոմիտեի գրասենյակից տեղեկացրին, որ բերման ենթարկվածներն իրականացրել են «Նիկո՛լ, դավաճա՛ն» ակցիան և այդկերպ Նիկոլ Փաշինյանին ուղեկցել դեպի ՀՀ էկոնոմիկայի նախարարություն:

Փաստորեն, ՀՀ ոստիկանությունն առաջնորդվում է ոչ թե խաղաղ ակցիաներ իրականացնելու մասին գործող օրենսդրությամբ, այլ երերացող իշխանությունների քմահաճույքներով: Արդյունքում՝ մի խումբ ցուցարարներից երկնչող Փաշինյանը, փաստորեն, երկրում հաստատել է ոստիկանապետություն: