Եթե Ադրբեջանը տիրապետում է գերիների թվին, ու՞մից են թաքցնում․ Նարեկ Մանթաշյանը՝ իշխանությանը

«Այլընտրանք» ՀԿ համանախագահ Նարեկ Մանթաշյանը գրում է․

«Կարճ մի քանի չոր փաստ համադրենք Ակնհայտ է, որ գերիների թիվը հաշվելն անհնար երևույթ չէ, գուցե կան չնչին շեղումներ, բայց միջազգային առաքելություն իրականացնող կառույցների համար ընդհանուր թիվը վաղուց հասանելի է:

Ակնհայտ է, որ գերիների թվին տիրապետում են Միջազգային կարմիր խաչը, Ադրբեջանի կառավարությունը, միջնորդ երկրները, ՀՀ կառավարությունը, ու միակ սուբյեկտը, որից քողարկվում է այդ չարաբաստիկ ինֆորմացիան` Հայաստանի ժողովուրդն է: Հիմա հարց. Իմաստը ո՞րն է թաքցնել, եթե թշնամի Ադրբեջանը տիրապետում է այդ թվին, ու՞մից են թաքցնում, ի՞նչ իմաստ ունի գաղտնի պահել այդ թիվը:

Չէ, ինձ ճիշտ հասկացեք, ես պատկերացնում եմ, թե ինչու է դավաճան իշխանությունը սեփական ժողովրդից թաքցնում գերիների թիվը, պարզապես ապշել կարելի է սրանց սրբապղծության աստիճանից»։