Նարեկ Մանթաշյանը խոշտանգվում է․ հանցափաստով իրավական գործընթաց կսկսվի․ փաստաբան

Նարեկ Մանթաշյանի շաքարային դիաբետը բարձրացել էր 27, որը կոմային մոտ գտնվող շեմ էր և միայն խնդրի բարձրաձայնելուց հետո են նրան տարել «Արմենիա» ԲԿ, որտեղ կարողացել են այդ ցուցանիշը հասցնել մինչև 10 նիշի: Այս մասին ասուլիսում ասաց փաստաբան Ալեքսանդր Կոչուբաևը։

«Սա քրեակատարողական հիմնարկում Նարեկ Մանթաշյանի առողջական վիճակի նկատմամբ բարձիթողի վիճակի հետևանք էր»,- ասաց Կոչուբաևը։

Փաստաբանը պատմեց որ մեծ դժվարությամբ են կարողացել բանտարկյալին բուժհիմնարկ տեղափոխելու ուղեգիր ստանալ, քանի որ քրեակատորաղական հիմնարկի բուժծառայության ղեկավարը տարբեր պատճառներով հետաձգել է ուղեգրի տրամադրումը և ինսուլինային կախվածություն ունեցող Մանթաշյանին նաև ինսուլին չի տրամադրել:

«Մենք իրավական ընթացակարգեր նախաձեռնեցինք՝ խոշտանգման հանցափաստով նյութեր ուղարկեցինք Հակակոռուպցիոն կոմիտե, բայց, ամենայն հավանականությամբ, այն կուղակվի ԱԱԾ»,-հայտնեց  Ալեքսանդր Կոչուբաևը։

Մանրամասն՝ տեսանյութում։