Թուրքերը լարվածություն են ստեղծում հունապատկան կղզիներում

Պաշտոնական տեղեկատվության լիակատար բացակայության պատճառով այս պահին անհասկանալի է մնում, թե ինչ է իրականում տեղի ունեցել երեկ առավոտյան Իմիա կղզիների տարածքում, երբ Թուրքիայի առափնյա պաշտպանության նավերը փորձել էին հետ ուղարկել հունական ձկնորսական նավերը: Հունական առափնյա պաշպանությունը, իր հերթին, հայտնվել էր դեպքի վայրում. հայտնում են հունական թելեգրամյան ալիքները։

Տարբեր աղբյուրներից ստացված տեղեկությունները հստակ պատկեր չեն տալիս, բացառությամբ այն բանի, որ առնվազն մեկ բախում է գրանցվել Թուրքիայի առափնյա պաշպանության և Հունաստանի առափնյա պաշտպանության նավերի միջև՝ վնասներ պատճառելով:

Մինչև այս առավոտ հունական կողմից բացարձակապես ոչ մի պաշտոնական հայտարարություն չի եղել, մինչդեռ թուրքական կողմը, ընդհակառակը, պնդում է, որ «իրենք կանխել են հունական սադրանքները Քարդաքի կղզիներում» (այսպես են թուրքերն անվանում հունական Իմիա կղզիները):