Թուրքիան սկսել է թեթև տորպեդո արտադրելու նախագիծը

Թուրքիայի պաշտպանական արդյունաբերությունը, որն արդյունավետ է եղել 2020 թվականին, հույս ունի տարին լավ ավարտել՝ հայտարարելով ևս մի քանի նոր նախագծերի մասին:

Պաշտպանական արդյունաբերության վարչության (SSB) նախագահ Իսմայիլ Դեմիրը կիրակի հայտարարել է 324 մմ տրամաչափի տորպեդո մշակելու նախագծի մեկնարկի մասին, որը կբավարարի թուրքական նավատորմի կարիքները. գրում է Sabah-ը:

SSB-ի ղեկավարն ասել է, որ տորպեդոն նախագծվելու և արտադրվելու է պաշտպանական կապալառու Roketsan-ի կողմից՝ Orka նախագծի շրջանակներում: Պաշտպանական հսկա Aselsan-ը  նախագծի ենթակապալառուն է:

«Մենք 2020-ի վերջին օրերին շատ ոգևորված ենք նոր նախագծով»,- հայտարարությունից հետո Twitter-ում գրել է Դեմիրը:

Roketsan-ը նաև հայտարարություն է տարածել, որ Orka նախագիծը մեկնարկում է SSB-ի ղեկավարության ներքո`նպատակ ունենալով ապահովել Կապույտ հայրենիքը` Անկարայի (ջրային) տարածքային պահանջների դոկտրինը Արևելյան Միջերկրական ծովում:

Ըստ թերթի՝ այս նախագիծը կվերացնի Թուրքիայի արտաքին կախվածությունը տորպեդոների արտասահմանյան մատակարարներից: Տեղում մշակված տորպեդոն կարող է փոխարինել ԱՄՆ արտադրության MK46 և MK54 LWT թեթև հակասուզանավային տորպեդոներին: