Հայաստանն ունի միջուկային զենք արտադրելու գիտական պոտենցիալ

ԱԺ-ում «Միջազգային գիտատեխնիկական կենտրոնի գործունեությունը շարունակելու մասին» համաձայնագիրը վավերացնելու մասին ՀՀ օրենքի նախագծի քննարկման ժամանակ ԱԺ պատգամավոր Նիկոլ Փաշինյանը հարց ուղղեց հիմնական զեկուցող` ՀՀ կրթության և գիտության նախարարության գիտության պետական կոմիտեի նախագահ Սամվել Հարությունյանին:

«Հայաստանի Հանրապետությունում կա՞ միջուկային զենք արտադրելու գիտական պոտենցիալ, և կա՞ տեխնիկական պոտենցիալ նման խնդիրներ իրականացնելու համար»,- հետաքրքրվեց պատգամավորը:

Սամվել Հարությունյանը պատասխանեց. «Այսօր կան հայ մասնագետներ Հայաստանում և Հայաստանից դուրս, ովքեր տիրապետում են խնդրին և կարող են ցանկացած ժամանակ այս խնդրով զբաղվել, իսկ ինչ վերաբերում է տեխնիկական միջոցներին, ցավոք, այսօր Հայաստանում բացակայում են տեխնիկական միջոցները նման խնդիրներ լուծելու համար, քանի որ սա բավականին լուրջ գումարներ է պահանջում, իսկ նման միջոցներ առայժմ չունենք»: