Արցախը Հայաստանի վահանն է, սա է որ մեր ժողովուրդը պետք է հասկանա

Հրապարակ TV առցանց հեռուստաալիքի հյուրն է ՀՅԴ Բյուրոյի անդամ, Ֆրանսիայի հայկական կազմակերպությունների համակարգող խորհրդի համանախագահ Մուրադ Փափազյանը:

Մուրադ Փափազյանը խոսել է Ֆրանսիայում ձևավորված հայկական կազմակերպությունների համակարգող խորհրդի ստեղծման նպատակների, ծավալած գործունեության մասին, ընդգծել հայկական կառույցների համախմբման և նրանց աշխատանքները ընդհանուր նպատակներին ուղղորդելու կարևորությունը:

Անդրադառնալով Արցախյան վերջին պատերազմի հետևանքներին և այդ պատերազմի արդյունքում ստորագրված խայտառակ զինադադարի պայմանագրին` Մուրադ Փափազյանը խոսել է այն մարտահրավերների մասին, որոնց հետ Հայաստանը առիթ կունենա առերեսվել և արդեն իսկ առերեսվում է Թուրքիայի և Ադրբեջանի վարած քաղաքականության պատճառով: Այս համատեքստում ՀՅԴ Բյուրոյի անդամը կարևորել է Արցախի դերակատարությունը Հայաստանի անվտանգության գործում:

«Արցախը Հայաստանի վահանն է, սա է որ մեր ժողովուրդը պետք է հասկանա»,- շեշտել է Մուրադ Փափազյանը:

Զրուցակիցները խոսել են նաև Արցախի պետական կառույցների պահպանման անհրաժեշտության, Ֆրանսիայի կողմից Արցախի անկախության ճանաչման հնարավոր տարբերակների, այդ հարցում Ֆրանսիայի նախագահի և կառավարական շրջանակների ունեցած դիրքորոշումների մասին:

Անդրադարձ է կատարվել նաև Հայաստանի ներքաղաքական կյանքին և սփյուռքում հայաստանյան վերջին իրադարձությունների արձագանքներին:

Մանրամասները` տեսանյութում: