|
Փոխարժեքներ
29 11 2025
|
||
|---|---|---|
| USD | ⚊ | $ 381.43 |
| EUR | ⚊ | € 440.89 |
| RUB | ⚊ | ₽ 4.8627 |
| GBP | ⚊ | £ 503.72 |
| GEL | ⚊ | ₾ 141.17 |
Վահան Հովհաննիսյանն այլևս մեզ հետ չէ: Նրա անժամանակ մահը ծանր կորուստ է բոլորիս համար: Ազգային պայքարի, պետականության կերտման, քաղաքական վայրիվերումների բարդ ու դժվարին ճանապարհ անցած պետական, քաղաքական-հասարակական գործիչն իր ողջ կյանքը նվիրեց մեր երկրին ու ժողովրդին՝ իր լայնախոհությամբ ու շրջահայացությամբ միշտ վեր կանգնելով կուսակցական գործունեության սահմանագծից և նվիրվելով ազգային ու հասարակական շահերի պաշտպանությանը:
Բարձր ինտելեկտի, հայրենասիրության ու նվիրումի շնորհիվ Վահան Հովհաննիսյանը մեծ ավանդ ունեցավ մեր երկրի զարգացման գործում՝ իր յուրօրինակ, վառ կերպարով զարդարելով քաղաքական դաշտի ներկապնակը: Իմ և Հանրային խորհրդի անունից խորին ցավակցություն եմ հայտնում անվանի գործչի մահվան կապակցությամբ՝ վշտակցելով նրա ընտանիքին, հարազատներին ու մտերիմներին:
ՀՀ Հանրային խորհրդի նախագահ Վազգեն Մանուկյան