Ռոհանին նշել է, որ Իրանն ուրախ է ընտրություններում Թրամփի պարտության համար

Իրանի նախագահ Հասան Ռոհանին ԱՄՆ նախագահ Դոնալդ Թրամփին ահաբեկիչ է անվանել և նշել, որ Իսլամական Հանրապետությունն ուրախ է ընտրություններում նրա պարտության համար:

«Ոմանք ասում են, որ մենք ոգևորված ենք՝ Ջո Բայդենի իշխանության գալով: Դա այդպես չէ, բայց մենք շատ ուրախ ենք, որ Թրամփը հեռացել է»,- ասել է նա:

«Սա այն մարդն է, որը հանցագործություններ գործեց, մարդկանց սպանեց ու ահաբեկիչ է, և նույնիսկ կանխում է պատվաստանյութերի ներկրումը Իրան»,- ասել է  Իրանի նախագահը, որի ելույթը հեռարձակվել է երկրի պետական հեռուստատեսությամբ:

Ռոհանին հույս է հայտնել, որ «Միացյալ Նահանգների ժողովրդի ձայնը Բայդենի համար ձայն է, որը կողմ է օրենքների կիրարկմանը, այլ ոչ թե դրանց խախտմանը»: «Դրանք ձայներ են` պարտավորությունները կատարելու`դրանք մերժելու փոխարեն», - ասել է նա։