Ադրբեջանը և Թուրքիան գազատար են կառուցելու Ղարաբաղի տարածքով

Ադրբեջանը և Թուրքիան կստորագրեն փոխըմբռնման հուշագիր Իգդիր-Նախիջևան գազատարի վերաբերյալ. հաղորդում է Trend.az-ը՝ հղում կատարելով թուրքական լրատվամիջոցներին:

Հաղորդվում է, որ փաստաթուղթը կստորագրվի դեկտեմբերի 16-ին երկու երկրների էներգետիկայի նախարարությունների միջև:

Գազատարը Արցախի տարածքներով անցնելու է Նախիջևան, իսկ այնտեղից՝ Թուրքիայի Իգդիր նահանգ:

Տեղեկությունը հաստատել է Ադրբեջանի էներգետիկայի նախարարությունը՝ նշելով, որ փաստաթղթի մանրամասները կբացահայտվեն դրա ստորագրումից հետո:

Ավելի վաղ Ադրբեջանի էներգետիկայի նախարար Փարվիզ Շահբազովըն ասել էր, որ Նախիջևանի Ինքնավար Հանրապետություն գազի հուսալի մատակարարումը երկկողմ օրակարգի հարցերից մեկն է։

Նշենք, որ, բացի գազատարից, Ադրբեջանը նախատեսում է կառուցել նաև երկաթուղի, որը կկապի ադրբեջանական քաղաքները Նախիջևանի, նաև՝ Թուրքիայի հետ՝ անցնելով ՀՀ տարածքով։