Իրանն ու Ադրբեջանը քննարկում են Հայաստանի տարածքով անցնող իրանական բեռնատարները վճարներից ազատելու հարցը

Իրանն ու Ադրբեջանը ուղիներ են փնտրում առևտրային խոչընդոտները վերացնելու համար, ներառյալ՝ «Ադրբեջանի տարածքով» (իրականում ՀՀ տարածքով անցնող, նկատի ունի Կապան-Գորիս հատվածը) անցնող իրանական բեռնատարների համար վճարներից ազատելը։ Այս մասին հայտարարել է Իրանի ճանապարհների և քաղաքաշինության նախարար Ռուստամ Ղասեմին. հայտնում են ադրբեջանական ԶԼՄ-ները։

Նրա խոսքով՝ այս հարցը քննարկվել է Ադրբեջանի փոխվարչապետ Շահին Մուստաֆաեւի հետ, որը ներկայումս պաշտոնական այցով գտնվում է Իրանում։

Կողմերը քննարկել են տնտեսական և առևտրային կապերի ընդլայնման, երկրների միջև տրանսպորտային կապերի պարզեցման հարցերը։ 

Մուստաֆաևն ասել է, որ մոտ ապագայում Ադրբեջանի և Իրանի միջև էներգետիկայի ոլորտում համագործակցությունը կարող է ընդլայնվել, ներառյալ՝ նավթագազային համատեղ նախագծերը։