Հայտնի է դարձել, թե երբ Թուրքիան կսկսի գազատար անցկացնել Սև ծովում

Ավարտվել են Սեւ ծովի թուրքական հատվածում Սաքարիա՝ գազի հանքավայրի շահագործման ինժեներա-նախագծային աշխատանքները, տրվել է խողովակների մատակարարման հրաման։ Այս մասին հայտնել է Թուրքիայի էներգետիկայի եւ բնական պաշարների նախարար Ֆաթիհ Դյոնմեզը. հայտնում է «Անադոլու»-ն։

Նրա խոսքով՝ գազատարի շինարարությունը կսկսվի 2022 թվականի գարնանը։

2020 թվականի օգոստոսի 21-ին Թուրքիայի նախագահը հայտարարեց Սև ծովում բնական գազի խոշոր հանքավայրի հայտնաբերման մասին։

Ռեջեփ Թայիփ Էրդողանը հայտարարել է, որ Թուրքիան ակնկալում է մինչև 2023 թվականը գազի արդյունահանում իրականացնել Սև ծովում։ Երկրի ղեկավարը հիշեցրել է, որ Սաքարիա հանքավայրի Դանուբ-1 հատվածում գազի ապացուցված պաշարների ծավալը կազմել է 405 միլիարդ խորանարդ մետր։