Ադրբեջանը սպառնում է իսպանացի պաշտոնյաներին, որոնք դատապարտում են Արցախի դեմ ագրեսիան

Ադրբեջանը սպառնում է իսպանացի պաշտոնյաներին․ այս մասին տեղեկանում ենք Ջոն Ինյառիտուի և Կարլես Մուլետ Գարսիայի թվիթերյան գրառումներից։

«Ադրբեջանին, կարծես, դուր չի եկել Արցախում տեղի ունեցած ագրեսիայի և ռազմական հանցագործությունների դատապարտումը Կոնգրեսի դիմաց։ Երբ նրանք տեղեկանան Համագործակցության և Արտաքին գործերի հանձնաժողովներում ընդունված առաջարկությունների մասին, անչափ կտխրեն»,-գրում է Իսպանիայի Կոնգրեսի պատգամավոր Ջոն Ինյառիտուն։

«Ադրբեջանի դեսպանությունից մեզ՝ ինձ և պատգամավոր Ջոն Ինյառիտուին, փորձում են լռեցնել , քանի որ մենք խորհրդարանում ներկայացրել ենք նրանց ագրեսիան և ջարդերը հայ ժողովրդի դեմ։ Մեզ չեն կարող ո´չ վախեցնել, ո´չ լռեցնել, մշտապես լինելու ենք հայ ժողովրդի կողքին»-գրում է Իսպանիայի Սենատի անդամ Կարլես Մուլետ Գարսիան և հրապարակում ադրբեջանցի խորհրդարանականներից ստացված նամակը։