Ադրբեջանը մեղավոր է Արցախի նախկին պաշտոնյաներին կալանավորելու և հայկական ժառանգությունը ոչնչացնելու մեջ. Փարիզի քաղաքապետ

Հայաստանում ողբերգություն է շարունակվում. Ադրբեջանը մեղավոր է Արցախի նախկին պաշտոնյաներին կամայականորեն կալանավորելու և Արցախի տարածքում հայկական ժառանգությունը ոչնչացնելու մեջ։

Այս մասին X-ի իր միկրոբլոգում գրել է Փարիզի քաղաքապետ Անն Իդալգոն, որը այս հարցը քննարկել է Միջազգային քրեական դատարանի նախկին գլխավոր դատախազ Լուիս Մորենո Օկամպոյի հետ հանդիպմանը։

«Երեկ ես դա քննարկել եմ Միջազգային քրեական դատարանի նախկին գլխավոր դատախազ Լուիս Մորենո Օկամպոյի հետ:

Մեր մտքերը զոհերի, նրանց ընտանիքների, 100,000 փախստականների և քաղբանտարկյալների հետ են։

Հաջորդ տարվա դեկտեմբերի 10-ին ՝ Մարդու իրավունքների միջազգային օրվա կապակցությամբ, արցախահայության ներկայացուցիչներին կհանձնեմ Փարիզի պատվավոր քաղաքացիություն:

Փարիզը նաև կոչ է անում անհապաղ ազատ արձակել Ադրբեջանի կողմից պահվող բոլոր հայ գերիներին»։