Ռուսաստանն առաջարկել է Ղարաբաղում հումանիտար կենտրոնը միջազգային դարձնել

Լեռնային Ղարաբաղի հարցով մարդասիրական արձագանքման կենտրոնի ստեղծման գործնական ասպեկտները քննարկվում են: Այս մասին հայտարարել է ՌԴ ԱԳ նախարար Սերգեյ Լավրովը:

«Մենք խոսել ենք նաև այն հարցերի մասին, որոնք կապված են հումանիտար արձագանքման կենտրոնի ստեղծման հետ: Դա նախագահ Պուտինի նախաձեռնությունն է։ Մենք առաջարկել ենք այդ կենտրոնը դարձնել միջազգային՝ Հայաստանի եւ Ադրբեջանի մասնակցությամբ»,- հայտարարել Է Լավրովը հայ գործընկերոջ հետ բանակցությունների արդյունքներով կայացած ճեպազրույցի ժամանակ։

«Այժմ քննարկվում են նման նախաձեռնության գործնական հարցերը, դրա իրականացմանը մասնակցելու են Ռուսաստանի բազմաթիվ նախարարություններ ու գերատեսչություններ»,- նշել է նա: