Փոխարժեքներ
28 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
Նոյեմբերի 30-ին՝ Թուրքիայի հեռուստառադիոընկերության համաշխարհային ֆորումի բացման ժամանակ, Թուրքիայի նախագահ Ռեջեփ Թայիփ Էրդողանը ելույթ է ունեցել, որում նշել է, որ միջազգային լրատվամիջոցները ներկայումս խաղում են «երեք կապիկների» դերը Եվրոպայում իրադարձությունները լուսաբանելիս: Նա նաև ամոթ է անվանել «լրատվամիջոցների թշնամությունը իսլամի նկատմամբ» և զգուշացրել, որ «եթե մուսուլմանների հանդեպ այս վերաբերմունքը չդադարի, ապա ամբողջ մարդկությունը կտուժի»: Այս մասին հայտնում է թուրքական Haber7 լրատվական գործակալությունը:
«Առանց որոշակի վերահսկողության՝ թվայնացման համատեքստում կամայականությունն ու անօրինականությունը տիրելու են լրատվական դաշտում, ինչը կհանգեցնի ֆաշիզմի վերածննդի»,- շեշտել է Էրդողանը:
Թուրքիայի նախագահը նշել է, որ վերջին ամիսներին ուժի մեջ մտած օրենսդրական կարգավորման միջոցով Թուրքիայի իշխանությունները լրատվական ընկերություններին պարտավորեցնում են ներկայացուցիչներ ունենալ Թուրքիայում: Նրա խոսքով՝ այսպիսով, իշխանությունները ձգտում են պաշտպանել Թուրքիայի քաղաքացիներին ապատեղեկատվությունից:
«Ամոթալի արարք է, որ լրատվամիջոցները թշնամանք են տարածում և իսլամի դեմ արտաքին ընդդիմություն ստեղծում»,- ասել է Էրդողանը: