Թուրքիան կարող է կիրառել Ս-400- ը հունական Ֆ-35-ի դեմ. թուրք գեներալ

Եթե Հունաստանը գնի և տեղաբաշխի հինգերորդ սերնդի Ֆ-35 կործանիչներ, ապա Թուրքիան կարող է կիրառել ռուսական Ս-400 հակաօդային պաշտպանության հրթիռներ, որպեսզի տարածաշրջանում նվազագույնի հասցնեի Աթենքի օդային որևէ գերակայություն. հայտարարել է թուրք գեներալ–մայոր Նեջաթ Էսլենը։

«Եթե Հունաստանը շարունակի Ֆ-35-ի ձեռք բերման իր նախաձեռնությունը, ապա Թուրքիան Ս-400-ով կկարողանա նվազագույնի հասցնել Աթենքի կողմից այդ կործանիչների կիրառման արդյունավետությունը»,- ասել է Էսլենը Sputnik-ի թուրքական ծառայությանը:

ԱՄՆ-ը հաստատել է հոկտեմբերի 27-ին Հունաստանին Ֆ-35 կործանիչների վաճառքը, որոնցից վեցը ի սկզբանե նախատեսված էին Թուրքիայի համար:

Նշվում է նաև, որ Հունաստանը 2022 թվականին ձեռք կբերի 20 մարտական ինքնաթիռներից վեցը, ինչպես նաև վեց ֆրանսիական Rafale կործանիչներ:

«Երբ Անկարան Ս-400-ը տեղակայի Էգեյան ծովում և Արևելյան Միջերկրական ծովում, դա թույլ կտա Թուրքիային՝ տարածաշրջանային գերազանցություն հաստատել Հունաստանի և տարածաշրջանի այլ սադրիչ երկրների նկատմամբ»,- ասել է Էսլենը:

Հիշեցնենք, որ անցյալ տարի ԱՄՆ-ը բացառել էր Թուրքիային Ֆ-35-ի արտադրության գործարքից այն բանից հետո, երբ Թուրքիայի կառավարությունը ռուսական Ս-400-ներ էր ձեռք բերել:

«Ամբողջ աշխարհը գիտի, որ Ֆ-35 կործանիչներն անտեսանելի չեն Ռուսաստանի հակաօդային պաշտպանության համակարգերի համար: Սա է, որ անհանգստացնում է Միացյալ Նահանգներին»,- շեշտել է  թուրք գեներալը: