Պակիստանի բանակը գնդակոծել է Քաշմիրի հնդկական հատվածը

Չորեքշաբթի առավոտյան Պակիստանի բանակը հրաձգային զենքերով ու ականանետներով գնդակոծել է Հնդկաստանի հյուսիսային միութենական Ջամու և Քաշմիր տարածքների երեք հատվածներ: Այս մասին հայտնում է PTI գործակալությունը՝ հղում կատարելով Հնդկաստանի պաշտպանության նախարարությանը:

«Պակիստանի բանակը խախտել է հրադադարի ռեժիմը՝ ինտենսիվ կրակ բացելով հրաձգային զենքերով և ականանետերով հնդկական զորքերի և բնակավայրերի ուղղությամբ Քիրնիի, Շահպուրի և Կասբահի հատվածներում՝ Պանչի շրջանում ՝ Ջամուի և Քաշմիրի վերահսկողության գծում»,- գործակալությունը մեջբերում է պաշտպանության աղբյուրներին:

Հնդկական բանակը պատասխան կրակ է բացել: Չի հաղորդվում ռազմական և քաղաքացիական բնակչության շրջանում կորուստների մասին:

Ըստ հնդկական կողմի՝ նոյեմբերին Պակիստանը 13 անգամ խախտել է հրադադարի ռեժիմը Քաշմիրում, որը գործում է 2003 թվականից: 2020 թվականին նման զինված միջադեպերի թիվը հասել է 3,8 հազարի: