Ռուսաստանը Արցախ կուղարկի խաղաղապահների առնվազն 22 ինքնաթիռ

Ռուսաստանը Ղարաբաղ կուղարկի խաղաղապահների հետ առնվազն 22 «Իլ -76» ռազմական տրանսպորտային ինքնաթիռ. նշվում է Ռուսաստանի Դաշնության Պաշտպանության վերահսկողության ազգային կենտրոնի հրապարակված տեսանյութից:

«Հստակեցնում եմ ռազմական տրանսպորտային ինքնաթիռներով ռուսական ռազմական զորակազմի տեղափոխման ժամանակացույցը. 11 ինքնաթիռ թռիչքներ է կատարում դեպի նպատակակետեր, 11 ինքնաթիռներ բեռնված են՝ սպասում են մեկնելու», - ասում են կենտրոնի պատասխանատուները՝ աշխատանքի մասին զեկուցելով գեներալ-գնդապետ Միխայիլ Միզինցևին:

1.5 րոպե տևողությամբ տեսանյութում Միզինցևը հրահանգում է հստակեցնել ինքնաթիռների թռիչքային գրաֆիկը, ապահովել Իլ -76 ինքնաթիռի երկու խմբերի միաժամանակյա շահագործումը՝ օգտագործելով Հայաստանի և Ադրբեջանի օդային տարածքը: