Սեմյոն Պեգովը այն մասին, թե ինչպես են Արցախում հետ մղում Ադրբեջանի զինված ուժերին

WarGonzo նախագծի հեղինակ Սեմյոն Պեգովն ուղևորվել է ԼՂ հակամարտության գոտու արևելյան ռազմաճակատ՝ ցուցադրելու կատաղի մարտերից հետո Ադրբեջանի զինված ուժերի խոցված ինքնաթիռի ու անօդաչու սարքերի բեկորները։ 

Պեգովը մանրամասնել է, որ ռազմաճակատի այդ հատվածում թշնամին կիրառել է իր ունեցած գրեթե բոլոր զինատեսակները, սակայն հայկական կողմը կարողացել է հաջողությամբ դրանք շարքից հանել։ Վերջինս զրուցել է նաև զինվորներից մեկի հետ, որը պատմել է ձեռնարկված պաշտպանական գործողությունների արդյունքում թշնամու փախուստի մասին։ Ցուցադրվել է նաև մի քանի մետր հեռավորության վրա գտնվող հակառակորդի հետ փոխհրաձգության տեսանյութ։

Պեգովը նշել է, որ Արցախի պաշտպանական բանակն այժմ աշխատում է միայն հրադադարի ռեժիմը խախտող ադրբեջանական ուժերի զսպման ուղղությամբ։