Վրաստանում արձանագրվել է կորոնավիրուսի 680 նոր դեպք

Վրաստանում արձանագրվել է կորոնավիրուսի 680 նոր դեպք: Այս մասին տեղեկությունը, վրացական Առաջին ալիքի հաղորդմամբ, թարմացվել է կառավարության կողմից ստեղծված հատուկ կայքէջում:

Այսպիսով՝ այս պահի դրությամբ Վրաստանում հաստատված է նոր կորոնավիրուսի 13 521 դեպք: Ապաքինվել է ևս 292 պացիենտ և նրանց ընդհանուր թիվը կազմում է 7159:

Կորոնավիրուսից մահացել է ևս 7 մարդ:  Զոհերի ընդհանուր թիվը կազմում է 109:

Կարանտինի ռեժիմում է 5590 մարդ, ստացիոնար հսկողության տակ՝ 836-ը:

Բացի այդ՝ կովիդ-հյուրանոցում գտնվող անձանց թիվն 1393 է: Բուժման նպատակով Վրաստան է տեղափոխվել 41 քաղաքացի:

Հիշեցնենք՝ երեկ Վրաստանում արձանագրվել է կորոնավիրուսի 569 դեպք: