Էստոնիա - Հայաստան խաղի մրցավարները

Ֆուտբոլի Հայաստանի և Էստոնիայի ազգային հավաքականների միջև Ազգերի լիգայի C դիվիզիոնի երկրորդ խմբի չորրորդ տուրի խաղը կսպասարկի Պորտուգալիան ներկայացնող մրցավարական անձնակազմ:

Էստոնիայի մայրաքաղաք Տալինում կայանալիք հանդիպման գլխավոր մրցավար է նշանակվել Լուիս Գոդինյոն, որին եզրերում կօգնեն Ռուի Տեյշեյրան ու Հուգո Ռիբեյրոն:  Չորրորդ պաշտոնյան է Անդրե Նարցիսոն, hաղորդում է ՈւԵՖԱ-ի մամուլի ծառայությունը:

Հիշեցնենք, որ առաջին շրջանի խաղում Հայաստանի հավաքականն էստոնացիներին Երևանում հաղթել էր 2:0 հաշվով:

Ազգերի լիգայի C դիվիզիոնի երկրորդ խմբի երրորդ տուրի հետո Հյուսիսային Մակեդոնիան ու Վրաստանն ունեն 5-ական միավոր, Հայաստանը՝ 4, իսկ էստոնացիները՝ 1: