Սիրիայի քրդերը պատասխանել են Ղարաբաղում մարտերին մասնակցելու` Բաքվի մեղադրանքներին

Ադրբեջանի պետական անվտանգության ծառայության այն հայտարարությունը, թե Ղարաբաղի շփման գծի մարտերում Հայաստանը կիրառում է Իրաքից և Սիրիայից վարձկանների, չի համապատասխանում իրականությանը. ՌԻԱ «Նովոստի»-ին ասել է Սիրիայի քրդական «Ժողովրդավարական միություն» կուսակցության ներկայացուցիչ Աբդուսալամ Ալին:

Ավելի վաղ Ադրբեջանի պետական անվտանգության ծառայությունը հայտնել էր, թե կարողացել է վարձկանների խոսակցություններ լսել, որոնք իբր մասնակցել են Ղարաբաղի շփման գծում ռազմական գործողություններին. ըստ նախարարության` Հայաստանը մարտերում օգտագործում է Իրաքից և Սիրիայից եկած վարձկաններին:

«Սրանք բացարձակապես սխալ հայտարարություններ են»,- ասել է գործակալության աղբյուրը: «Եթե նկատի ունեն քրդերին, ապա նրանք ունեն իրենց սեփական խնդիրները, որպեսզի չպայքարեն Հայաստանի կողմից»,- ավելացրել է կուսակցության ներկայացուցիչը:

Ըստ նրա՝ Թուրքիային ձեռնտու կլիներ վարձկաններ ներգրավելու գաղափարի առաջխաղացումը, որպեսզի արդարացնի իր կողմից իրականացված միջամտությունները: