Զախարովան պատասխանել է Թրամփ-Լավրով լուսանկարների հրապարակման վերաբերյալ մեղադրանքներին

ՌԴ ԱԳ պաշտոնական ներկայացուցիչ Մարիա Զախարովան հերքել է CNN-ի տեղեկությունն այն մասին, որ Սպիտակ տունը մեղադրում է  ռուսական պատվիրակությանը Թրամփ-Լավրով հանդիպման լուսանկարների հրապարակման հետ կապված խաբեության մեջ: Զախարովան այդ մասին գրառում է կատարել ֆեյսբուքյան իր էջում:

«Հանդիպման ձևաչափը չէր նախատեսում լուսանկարների հրապարակման արգելք: Ամերիկյան կողմը չի խնդրել, որ այդ լուսանկարները չհրապարակվեն»,- ասել է Զախարովան:

Ավելի վաղ CNN-ը հղում կատարելով Սպիտակ տան վարչակազմի ներկայացուցիչներից մեկին,  հաղորդել էր, որ ռուսական կողմը խաբել է ամերիկյան կողմին` հրապարակելով լուսանկարներ Թրամփ-Լավրով հանդիպումից: