ՏԵՍԱՆՅՈՒԹ. Անկախ նրանից՝ Գագիկ Ծառուկյանին կկալանավորեն, թե՝ ոչ, հանրահավաքը կայանալու է. Արսեն Բաբայան

Անում են ամեն ինչ, որ ընդդիմությունն իր պլանները չիրականացնի, բայց ընդդիմությունն անելու է իր պլաններն ու հասնելու է հաջողության. Երևանի ընդհանուր իրավասության դատարանի Կենտրոն նստավայրի մոտ ասաց «Հայրենիք» կուսակցության խորհրդի անդամ Արսեն Բաբայանը։ Դատարանում այս պահին ընթանում է ԲՀԿ առաջնորդ Գագիկ Ծառուկյանի դատավարությունը: 

«Հանրահավաքը լինելու է շատ մարդաշատ և շատ բան ասող: Անկախ նրանից՝ Գագիկ Ծառուկյանին կկալանավորեն, թե՝ ոչ, հանրահավաքը կայանալու է»,- ասաց նա:

Հարցին՝ իշխանափոխության ի՞նչ օրակարգ ունեն քաղաքական ուժերը, Բաբայանը պատասխանեց, որ դրանց մասին տեղյակ կպահեն հանրահավաքի ժամանակ:

«Այդ գործողությունները բերելու են վերջնական արդյունքի, երբ կառավարությունը կտա հրաժարական, ձևավորվելու է նոր կառավարություն, որն անցկացնելու է նոր խորհրդարանական ընտրություններ: Դա ավելի քան իրատեսական է, և դա կլինի»,- հավելեց  նա:

Հիշեցնենք, որ հոկտեմբերի 8-ին ՀՅԴ, «Բարգավաճ Հայաստան» և «Հայրենիք» կուսակցությունները հանրահավաք են անցկացնելու Ազատության հրապարակում:  

Մանրամասները՝ տեսանյութում: