Նոբելյան մրցանակի չափն ավելացել է՝ կկազմի մեկ միլիոն դոլար

Նոբելյան մրցանակների գումարը 2020 թվականին կավելանա՝ ընդհանուր առմամբ, կկազմի մինչև 10 միլիոն շվեդական կրոն (մոտ 1 միլիոն դոլար). հայտնում է ՌԻԱ «Նովոստի»-ն՝ հղում անելով Նոբելյան հիմնադրամի ղեկավար Լարս Հեյկենստենին:

Նա, մասնավորապես, ասել է. «Այս տարի հատկապես կարևոր է գնահատել և աջակցել այն դափնեկիրներին, որոնց ձեռքբերումները մեզ ոգեշնչում են և ապագայի հույս տալիս»:

Նշենք՝ քիմիայի, ֆիզիկայի, գրականության և բժշկության ոլորտում Նոբելյան մրցանակակիրների, ինչպես նաև խաղաղության Նոբելյան մրցանակակրի անուններն այս տարի հայտնի կդառնան հոկտեմբերի 5-ից:

Մրցանակների հանձնումը տեղի կունենա դեկտեմբերի 10-ին՝ մրցանակի հիմնադիր Ալֆրեդ Նոբելի մահվան օրը: