Չի քննարկվում մեր անվտանգությունը կասկածի տակ դնող որևէ տարբերակ. ԱՀ նախագահ

Այսօր՝  պաշտոնավարման 100 օրվա կապակցությամբ հրավիրված  մամլո  ասուլիսի ժամանակ, ԱՀ նախագահ Արայիկ Հարությունյանն անդրադարձել է նաև մադրիդյան  սկզբունքերի  ու   անվտանգության վերաբերյալ հարցերի: Նրա խոսքով,  մի շարք անձանց  բարձրաձայնումների ու  տարբեր  աղբյուրներում  հրապարակված փաստաթղթերի համաձայն՝ մադրիդյան սկզբունքների շուրջ ընթացող բանակցություններում քննարկվել  են ազատագրված  շրջանները  մասամբ կամ  ամբողջությամբ հանձնելու տարբերակները: Ընդ որում՝ Արցախի  անորոշ կարգավիճակով: 

Նախագահի խոսքով՝ մադրիդյան սկզբունքերի   տարբերակներից մեկով քննարկվել  է որոշ շրջաններ հանձնել ճանաչման դիմաց,  սակայն ոչ   Ադրբեջանի կողմից:     

«Նման պարագայում Արցախի Հանրապետության  անվտանգությունն առավել խոցելի կդառնա: Այդ պատճառով  այսօր չի քննարկվում որևէ տարբերակ, որը կարող է թուլացնել մեր անվտանգության աստիճանը: Մենք ունենք հստակ դիրքորոշում, որը  նույնն է հայկական երկու հանրապետությունների համար: Եթե նախկինում  բանակցությունների ժամանակ  առաջնահերթությունը տրվել է ինքորոշման իրավունքի ճանաչմանը, ապա այժմ գլխավորն անվտանգությունն է: Անկախ նրանից,  թե ինքնորոշման իրավունքի ճանաչման ինչպիսի մակարդակ ենք ունենալու,  անվտանգության նույնիսկ մի փոքր թուլացմումը՝ կնշանակի Արցախի վերջը: Մենք գիտենք մեր թշնամին ով է: Թշնամու վարքագծից, որը դրսևորվեց Տավուշում՝ հուլիսյան դեպքերով,  երևում է, որ  նրա համար միջազգային որևէ նորմ, կանոն գոյություն չունի:  Դիրքերը, որտեղ տեղի են ունեցել մարտական գործողությունները, ՀՀ տարածքում են: Միաժամանակ, Թուրքիայի միջամտությունն ու այժմյան ներկայությունը Նախիջևանում հուշում է, որ մեզ համար ամենակարևորն անվտանգությունն է»,- մանրամասնել  է ԱՀ նախագահը: