Սոլեյմանիի սպանությունը իրաքյան ինքնիշխանության կոպիտ խախտում է. Իրանի խորհրդարանի խոսնակ

Իրանի խորհրդարանի խոսնակ Մոհամմադ Բաքեր Քալիբաֆը Twitter-ում նշել է, որ հակաահաբեկչական գործողության հրամանատար, գեներալ-լեյտենանտ Ղասեմ Սոլեյմանիի սպանությունը իրաքյան ինքնիշխանության կոպիտ խախտում է: Այս մասին  հաղորդում է իրանական IRNA գործակալությունը:

«Իրաքի վարչապետ Մուստաֆա Ալ-Քադիմիի հետ հանդիպման ժամանակ ես շեշտեցի, որ ահաբեկչության դեմ պայքարի միջազգային հերոս գեներալ Սոլեյմանիին սպանելու հանցավոր արարքը հավերժական բիծ է Սպիտակ տան պետական գործիչների դեմքին և իրաքյան ինքնիշխանության կոպիտ խախտում է», - ասել է նա՝ շեշտելով քաղաքական կայունությունը և կայուն տնտեսական աճը, անկասկած, կախված են «ամերիկացի հանցագործներին տարածաշրջանից դուրս մղելուց»:

Հունվարի 3-ին ամերիկյան ԱԹՍ-ների հարձակումից սպանվեց գեներալ Սոլեյմանին և ալ-Մուհանդիսը Բաղդադի միջազգային օդանավակայանի մերձակայքում՝ առաջ բերելով միջազգային դատապարտում:

Ավելի վաղ Թեհրանի դատախազ Ալի ալ-Քասի Մեհրը հայտարարել էր, որ Իրանը Ինտերպոլի միջոցով պահանջել է ձերբակալել ամերիկացի քաղաքական և ռազմական 36 պաշտոնյաների, այդ թվում՝ նախագահ Դոնալդ Թրամփին, որոնք ներգրավված էին իրանական գեներալ-լեյտենանտ Քասեմ Սոլեյմանիի սպանության մեջ: