Ադրբեջանական ԶԼՄ-ները փորձում են Իրանին գժտեցնել Հայաստանի հետ. իբր Սոլեյմանիի սպանությունը հայ գեներալ է մշակել

Ադրբեջանական ԶԼՄ-ները, օգտվելով գեներալ Ղասեմ Սոլեյմանիի սպանությանը հետևած իրադարձություններից, փորձում են Իրանին գժտեցնել Հայաստանի հետ. ըստ yerkir.am-ի` գրում է «Ինֆոտեկա24» կայքը:

Մի քանի օր առաջ հաջողվեց մեծ աղմուկ բարձրացնել լուրով, թե իբր ՀՀ վարչապետ Նիկոլ Փաշինյանը Սելեյմանիի սպանության կապակցությամբ շնորհավորել է ԱՄՆ-ին, հիմա էլ` նոր սադրանք. իբր իրանցի գեներալի սպանության գործողությունը մշակել է ԱՄՆ օդուժի գեներալ Ջեֆրի Հարիգյանը: Ադրբեջանական ԶԼՄ-ները փորձ անգամ չեն արել գոնե «Վիկիպեդիա»-ում ճշտել, որ ազգությամբ հայ գեներալի գործունեության տարածաշրջանը ոչ թե Մերձավոր Արևելքն է, այլ Եվրոպան ու Աֆրիկան: