Ես կապ չունեմ կորոնավիրուսի առաջացման հետ. Բիլ Գեյթս

Microsoft-ի հիմնադիր Բիլ Գեյթսը ևս մեկ անգամ հերքել է դավադրության այն տեսությունը, թե ինքը կապված է կորոնավիրուսի համավարակի առաջացման հետ: Այս մասին նա հայտարարել է CNN- ին տված հարցազրույցում:

Միլիարդատերը հիշեցրել է, որ իր հիմնադրամը 250 միլիոն դոլար է տվել կորոնավիրուսի դեմ պայքարի համար:

«Այնպես որ, ամեն ինչ պարզապես գլխիվայր շուռ է գալիս: Նրանք ասում են՝ լավ, մենք փող ենք վաստակում, ուստի մենք փորձում ենք պատվաստումներով սպանել մարդկանց», - ասել է Գեյթսը:

Ավելի վաղ գործարարը հայտնել էր նաև, որ դավադրության տեսությունները մարդկությանը զանգվածաբար ջարդելու ցանկության մասին չափազանց հիմար են դրանք հերքելու համար: