Լուկաշենկոն սպառնացել է արտաքսել օտարերկրյա լրագրողներին և առաջարկել է գրել կոմբայնավարների մասին

Բելառուսի նախագահ Ալեքսանդր Լուկաշենկոն օտարերկրյա ԶԼՄ-ներին սպառնացել է, որ կարտաքսի նրանց լրագրողներին, եթե նրանք շարունակեն «մայդան իրականացնելու կոչեր անել»: Երկրի ղեկավարը ցասկոտ ելույթ է ունեցել տնտեսական բլոկի ղեկավարության հետ խորհրդակցության ժամանակ. ըստ yerkir.am-ի` տեղեկացնում է Life-ը:

«Պետք չէ սպասել ընտրարշավի ավարտին: Դուրս արեք այստեղից, եթե նրանք չեն պահպանում մեր օրենքներն ու մարդկանց մայդան իրականացնելու են կանչում»,- ասել է Լուկաշենկոն:

Օտարերկրյա լրագրողներին նախագահը խորհուրդ է տվել գնալ հանրապետության դաշտերն ու գրել բերքահավաքի մասին:

«Պատմեք այդ սովորական մարդկանց` աշխատավորների մասին, որոնք կերակրում են երկիրը: Չէ՞ որ հենց վաղը այդ գրչակները կվազեն խանութները, որ մի կտոր հաց գնեն իրենց, հարազատների, երեխաների համար»,- նշել է Բելառուսի նախագահը: