Հունաստանի ԶՈՒ գլխավոր շտաբի պետը շտապ վերադարձել է Աթենք՝ թուրքական ներխուժման սպառնալիքների պատճառով

Հուլիսի 21-ին Հունաստանի ազգային պաշտպանության գլխավոր շտաբի պետ, գեներալ Կոնստանտինոս Ֆլորոսը Կիպրոսից շտապ վերադարձել է Աթենք, որտեղ նա մասնակցում էր կղզու՝ թուրքական ներխուժման տարելիցին։ Ֆլորոսը կիսատ է թողել այցը՝ կապված Հունաստանի ծովային տարածքը խախտելու Թուրքիայի սպառնալիքների հետ: Այս մասին տեղեկացնում է greekherald.com.au պորտալը:

Նախօրեին այդ տարածք է ժամանել թուրքական սեյսմիկ Oruç Reis- ը նավը՝ շրջափակելով Կաստելորիզո կղզուց հարավ-արևելք գտնվող ծովային հատվածը:

«Մենք կոչ ենք անում Թուրքիային անհապաղ դադարեցնել այդ ապօրինի գործողությունները, որոնք խախտում են մեր ինքնիշխան իրավունքները և խաթարում տարածքում խաղաղությունը և անվտանգությունը», - ասվում է հունաց ԱԳՆ հայտարարության մեջ:

Բողոքի նոտան ներկայացվել է Թուրքիայի արտգործնախարարությանը, ինչպես նաև տեղեկացվել են ՄԱԿ-ը, ՄԱԿ-ի Անվտանգության խորհրդի հինգ մշտական անդամները, ՆԱՏՕ-ն և Եվրամիությունը: