ԱՄՆ-ը վերսկսում է վարժանքները Հարավ-չինական ծովում՝ երկու ավիակիրների մասնակցությամբ

ԱՄՆ Խաղաղօվկիանոսյան նավատորմը մեկ ամսվա ընթացքում անցկացնում է երկրորդ զորավարժությունը՝ Հարավ-չինական ծովում ավիակիրներ «Նիմիտց» և «Ռոնալդ Ռեյգանի» և նրանց ուղեկցող նավերի մասնակցությամբ: Այս մասին հաղորդել է ԱՄՆ Խաղաղօվկիանոսյան նավատորմի հրամանատարությունը:

Զորավարժություններին մասնակցում են 12 հազար նավաստիներ և ծովայիններ: Ավելի քան 120 ինքնաթիռներ տեղակայված են ավիակիրների վրա: Հայտարարության մեջ նշվում է, որ զորավարժությունների նպատակը մարտական պատրաստվածության պահպանումն է, և դրանց չպետք է դիտարկել որպես որևէ սպառնալիքների պատասխան:

Նախորդ զորավարժությունները տեղի են ունեցել հուլիսի 4-5-ին, երբ չինական նավատորմի նավերը նույնպես զորավարժություններ են անցկացրել տարածքում:

Պարասելյան կղզիները (Քիշա) և Սփրաթլի արշիպելագը (Նանսա), որոնք գտնվում են Հարավային Չինաստանի ծովում, երկար տարիներ հանդիսանում են բազմազգ տարածաշրջանային հակամարտության օբյեկը: Այս տարածքների և հարակից ջրերի շուրջ վեճում ներգրավված հիմնական կողմերը Վիետնամն ու Չինաստանն են. Բրունեյը, Մալայզիան և Ֆիլիպինները նույնպես իրենց մասնակի կամ լրիվ պահանջները են հայտարարում կղզիների նկատմամբ: Միացյալ Նահանգները չի ճանաչում Չինաստանի ինքնիշխանությունը այս կղզիների նկատմամբ: