«Մեծ մարգարե 17» վարժանքները Իրանի պաշտպանունակության նշանն են. Ռաիսի

Իրանի Իսլամական Հանրապետության նախագահն ասել է, որ «թշնամիների ցանկացած թշնամական գործողություն կհանդիպի Իրանի զինված ուժերի ջախջախիչ պատասխանին»:

Սեյեդ Իբրահիմ Ռաիսին շաբաթ օրը կառավարության նիստում, գովաբանելով Իրանի ազգի և տարածաշրջանի ժողովուրդների անվտանգությունը պաշտպանելու՝ Իսլամական հեղափոխության պահապանների կորպուսի ջանքերը, «Մեծ մարգարե 17» զորավարժությունը որակել է որպես կամքի հստակ նշան: 

«Թշնամիների ցանկացած գործողություն կհանդիպի Իրանի Իսլամական Հանրապետության զինված ուժերի համապարփակ և ջախջախիչ հակահարվածին և կտրուկ կփոխի ռազմավարական հավասարումները»,- ասել է նա։

Իրանի հարավում սկսված զորավարժությունների ցամաքային փուլն ավարտվել է գիշերային լայնածավալ գործողությամբ՝ հատուկ նշանակության ուժերի, զրահատեխնիկայի, հրետանու, անօդաչու թռչող սարքերի և գրոհային ուղղաթիռների համակցված մարտավարությամբ։

Իրանի հեղափոխության պահապանների կորպուսի «Մեծ մարգարե 17» համատեղ զորավարժությունները, երկուշաբթի օրվանից սկսած, հինգ օր շարունակ անցկացվել են Պարսից ծոցի ափերին և Հորմուզի նեղուցում՝ Հորմոզգան, Բուշեհր և Խուզեստան նահանգների շրջանում։