Ալեն, գեներալի կոչումը մանդատ չի, որ մի օր ձեռդ լինի, մի օր էլ... շուտով կլինի. Արսեն Բաբայան

Իրավապաշտպան, «Հայրենիք» կուսակցության խորհրդի անդամ Արսեն Բաբայանը ֆեյսբուքյան իր էջում գրել է. «Պարոն Վանեցյանը մինչև կառավարության հրաժարականը պահանջելը կարող է հրաժարվել օրինակ իր գեներալի կոչումից՝ այդ կառավարության և կառավարության ղեկավարի կողմից իրեն տրված: Դա ավելի համաչափ ու արդար կլինի»: Այս «մտքերի» հեղինակն է Ալենը...

Ալեն, այն, որ դու չունես անցյալ, որ չունես ներկա և չես էլ ունենալու ապագա (անկենսագրություն մարդ ես) վաղուց ու բոլորին է հայտնի:

Այն, որ դու պատրաստ ես շեֆիդ հանձնարարությամբ «հետևից գրկվել» գիտենք արդեն շատ վաղուց:

Մի՞թե բախտի բերմամբ պատգամավոր դառնալուց հետո գոնե հանրային ծառայության մասին ոչինչ այդպես էլ չսովորեցիր:

Լսիր, հերթական զազրախոսությունիցդ առաջ իմացիր, որ գեներալի կոչումը վաստակում են երկարամյա գերազանց ծառայության արդյունքում: Դա որևէ իշխանության տվածը չէ, դա արժանապատիվ սպայի վաստակն է:

Ալեն, գեներալի կոչումը մանդատ չի, որ մի օր ձեռդ լինի, մի օր էլ... շուտով կլինի»:

Հիշեցնենք՝ ավելի վաղ ՀՀ ԱԺ փոխխոսնակ Ալեն Սիմոնյանը լրագրողների հետ ճեպազրուցում, անդրադառնալով ԲՀԿ-ի, ՀՅԴ-ի, ՀՀԿ-ի, Արթուր Վանեցյանի՝ կառավարության հրաժարականի պահանջին, նշել էր. «Պարոն Վանեցյանը մինչև կառավարության հեռանալը պահանջելը կարող է օրինակ հրաժարվել իր գեներալի կոչումից: Դա համաչափ և արդար կլինի: Ինչ վերաբերվում է մնացած բոլորին, ցավում եմ որ գնում-գնում, նորից գալիս են նույն ջարդած տաշտակի շուրջ հավաքվում են: Այն մարդիկ, ովքեր աշխատում են այս չակերտավոր ըննդիմության կայացման շուրջ, ինչ էլ ստեղծեն Սերժ Սարգսյան է ստացվում: Նույն ճանապարհով գնալը, նույն ձևով աշխատելը լավ բանի չի տանելու»,