ՏԵՍԱՆՅՈՒԹ․ Եթե չնախաձեռնեինք «Ոչ»-ի գործընթացը՝ հնարավորություն չէր լինի վիճարկելու հանրաքվեի արդյունքները․ Արսեն Բաբայան

Եթե չնախաձեռնեինք «Ոչ»-ի գործընթացը՝ հնարավորություն չէր լինի վիճարկելու հանրաքվեի արդյունքները՝ Yerkir.am-ի տեղեկացմամբ՝ ասաց ՀՀ ԱԺ աշխատակազմի ղեկավարի նախկին տեղակալ Արսեն Բաբայանը, որը 60 այլ իրավաբանների հետ «Ոչ»-ի շտաբ ձևավորելու փաստաթղթերն է հանձնել ԿԸՀ։

«Սա մենք սկսեցինք, որ հնարավոր լինի հետագա իրավական գործընթացները կազմակերպելու։ Հիմա պետք է ստեղծել այդ հնարավորթոթյունը, որ եթե լինեն խախտումներ, հնարավոր լինի վիճարկել»,-ասաց նա։

Արսեն Բաբայանը վստահեցրեց, որ քաղաքական պայքարի մեջ չեն մտնելու և չեն խոչընդոտելու հանրաքվեի գործընթացը․ «Խոչընդոտ կլիներ, եթե, օրինակ, չձևավորվեր «Ոչ»-ի կողմ։ Ձևավորման նպատակն է, որ հանրաքվեն լինի վերահսկելի»։

Որպես հանրային պաշտպանության խումբ՝ «Ոչ»-ի կողմը առանձնապես քարոզչություն չի անելու, փոխարենը տալու է հարթակ բորո այն անձանց, ովքեր «Այո»-ից տարբերվող կարծիք կունենան, այդ թվում՝ քաղաքական գործիչներին։

Մանրամասն՝ տեսանյութում․