ՏԵՍԱՆՅՈՒԹ. Ադրբեջանի ոստիկանությունը թմրանյութ է նետում ձերբակալվածի գրպանը

Ադրբեջանական ընդդիմադիր Meydan TV հեռուստաալիքը տեսանյութ է հրապարակել, որում երևում է, թե ինչպես է Բաքվում ոստիկանությունը նվաստացնում և վիրավորում  ձերբակալված քաղաքացուն կարանտինային ռեժիմի ժամանակ:

Ձայնագրությունը ցույց է տալիս նաև, թե ինչպես է ոստիկանության ծառայողը թմրանյութ նետում ձերբակալված տղամարդու գրպանը:

Հարկ է նշել, որ սա Ադրբեջանում ոստիկանության անօրինականության առաջին նման դեպքը չէ: Հունիսի 8-ին նմանատիպ սցենարավ ևս մեկ դեպք էր գրանցվել:

Ադրբեջանում նման պրակտիկան կիրառվում է նաև իշխանությունների համար ոչ ցանկալի անձանց նկատմամբ։ Բազմաթիվ ակտիվիստներ և քաղաքական գործիչներ դատապարտվել են հենց թմրանյութ պահելու համար։