Ռուսական Առաջին ալիքը՝ «եղբայրական Հայաստանում» կորոնավիրուսային մտահոգիչ իրավիճակի մասին

Ռուսական Առաջին ալիքով լուրերի հիմնական թողարկման ժամանակ եթեր է հեռարձակվել Հայաստանում կորոնավիրուսակիրների և դրանով պայմանավորված մահվան դեպքերի թվի կտրուկ աճի վերաբերյալ ռեպորտաժ. այս մասին գրում է Rusarminfo-ն, նշելով՝ մեկնաբան Կիրլ Կլեյմենովը նկատել է, որ «եղբայրական Հայաստանում» կորոնավիրուսի հետ կապված իրավիճակը լուրջ մտահոգություն է առաջացնում,

Նշվում է, որ չնայած երկրի վարչապետ Նիկոլ Փաշինյանը պարբերաբար անձամբ դիմում է քաղաքացիներին՝ հորդորելով ավելի պատասխանատու լինել անվտանգության կանոնների պահպանման հարցում, բայցևայնպես վարակակիրների թիվը շարունակում է կտրուկ ավելանալ:

Հիշեցնենք՝ Հայաստանը շարունակում է «ռեկորդներ» գրանցել տարածաշրջանում մեկ միլիոն շնչի հաշվով կորոնավիրուսով վարակման ցուցանիշով։

Ռեպորտաժն՝ այստեղ.