Ավստրիայում տունը, որտեղ ծնվել է Հիտլերը, ոստիկանության բաժանմունք կդառնա

Ավստրիայի իշխանությունները ներկայացրել են այն տան վերակառուցման ծրագիրը, որտեղ 1889 թ.-ին ծնվել է Ադոլֆ Հիտլերը. այս մասին գրում է «Եվրոպեյսկայա պրավդա»-ն, նշելով՝ նախատեսվում է այն վերածել ոստիկանության բաժանմունքի՝ շենքը նացիստական բռնապետին փառաբանող անձանց ուխտագնացության համար ոչ գրավիչ դարձնելու նպատակով:

Նշվում է՝ շենքի վերակառուցումը նախատեսվում է ավարտին հասցնել 2022-ի վերջին. այն կարժենա մոտ 5 միլիոն եվրո:

Համեմատաբար համեստ եռահարկ շենքն Ավստրիայի ներքին գործերի նախարարությունը վարձակալել է 1972 թ.-ից՝ դրա ոչ ճիշտ օգտագործումը կանխելու համար: Տունը դատարկ է եղել 2011 թ.-ից ի վեր: