Կորոնավիրուսը պետությունների արդյունավետությունն ու անարդյունավետությունը ցուցադրող թեստ է. գործարար

«Չոր մարքեթինգ» սեմինարների շարքի հիմնադիր, Հայաստան արևադարձային մրգեր ներկրող «Tropica» ընկերության համահիմնադիր, գործարար Վահրամ Միրաքյանն իր ֆեյսբուքյան էջում գրում է.

«Կորոնավիրուսը նաև պետությունների արդյունավետությունն ու անարդյունավետությունը ցուցադրող թեստ է: Թե ինչպես կարողացան կազմակերպել կառանտինը, ինչպես աշխատեցին հասարակության հետ, ինչպես կազմակերպեցին բուժումը, ինչպես պայքարեցին տնտեսության անկման դեմ և այլ նմանատիպ հարցերն առատ փաստեր տվեցին պետությունների արդյունավետությունն ու ադեկվատությունը հասկանալու համար:

Ըստ էության մենք տեսանք, որ Եվրոպայի մեծ մասը, որպես պետական համակարգ անարդյունավետ դուրս եկավ: Իտալիա, Ֆրանսիա, Իսպանիա... ցուցադրեցին, որ որպես արդյունավետ պետական համակարգեր իրենք արդեն աշխարհի առաջատարները չեն: Եվրոպայում թերևս ամենալավը Գերմանիան պահպանեց է իր արդյունավետ պետական համակարգի հեղինակությունը և Եվրոպայի առաջատարի ստատուսը: