2012-ի ապրիլին ՀԱԷԿ-ը սթրես-թեստ կանցնի

2012 թվականի ապրիլին Հայկական ատոմակայանը սթրես-թեստ է անցնելու. երեկ ՀՀԿ տնտեսական համաժողովում հայտարարել է էներգետիկայի եւ բնական ռեսուրսների նախարար Արմեն Մովսիսյանը:

Սթրես-թեստեր անցկացնելու մասին որոշումը միաձայն ընդունվել է ԵՄ երկրների կողմից դեռեւս մարտ ամսին` ճապոնական «Ֆուկուսիմա 1» ատոմակայանի վթարից հետո: Հունիսին Հայաստանը, Խորվաթիան, Ռուսաստանը, Շվեյցարիան, Թուրքիան, Ուկրաինան եւ Բելառուսը ստորագրել են Էթինգերի հռչակագիրը, որի համաձայն` այդ երկրները համաձայնություն են տալիս իրենց ԱԷԿ-ներում սթրես-թեստ անցկացնել, որի նպատակը  եվրոպական 143 գործող ԱԷԿ-ների եւ կառուցվող ռեակտորների կայունությունը էքստրեմալ պայմաններում գնահատելն է: