Ռոհանին և Էրդողանը քննարկել են սահմանների վերաբացման հարցը

Իրանի և Թուրքիայի նախագահներ Հասան Ռոհանին և Ռեջեփ Թայիփ Էրդողանը հեռախոսազրույց են ունեցել, որի ընթացքում քննարկել են ցամաքային և օդային սահմանների շուտափույթ բացման անհրաժեշտությունը՝ պահպանելով անհրաժեշտ բժշկական նորմերը։ Այս մասին հայտնում է Russia Today-ը՝ հղում անելով Իրանի նախագահի մամուլի ծառայությանը։

Հեռախոսազրույցի ընթացքում Էրդողանը Ռոհանիին խոստացել է անհրաժեշտ կարգադրումները հրապարակել Իրանի և Թուրքիայի սահմանների բացման և առևտրի վերականգնամ համար։

Ավելի վաղ Թուրքիան Ռուսաստանի հետ համաձայնություն էր ձեռք բերել սահմանների աստիճանաբար բացման և սահմանափակումների վերացման վերաբերյալ։