Եռակողմ հանդիպում`Սոչիում. ինչ են քննարկել Պուտինը, Էրդողանը և Ռոհանին

Սոչիում կայացել են Ռուսաստանի, Թուրքիայի և Իրանի նախագահների` Սիրիայի հարցով  բանակցությունները: Սա նման չորրորդ հանդիպումն է. հայտնում է РИА Новости-ն:

Բանակցություններից հետո կայացած մամուլի ասուլիսում ՌԴ նախագահ Վլադիմիր Պուտինը ընդգծել էց, որ դրանք անցել են կառուցողական և գործնական մթնոլորտում:

«Նման սերտ համակարգումը թույլ է տալիս մեզ արդյունավետ աշխատել Սիրիայում երկարաժամկետ կարգավորման ուղղությամբ»,- ասել է նա:

Պուտինը նշել է, որ գործընկերները որոշել են հետագա համագործակցության առանցքային ուղղությունները:

Նա անդրադարձել է նաև ԱՄՆ-ի` Սիրիայից զորքերը դուրս բերելու մտադրությանը` նշելով, որ կողմերը համարում են, որ դա դրական քայլ կլինի:

ՌԴ նախագահը նշել է նաև, որ հանդիպման մասնակիցները մեծ ուշադրություն են դարձրել հումանիտար թեմատիկային, Սիրիայի բնակչությանը օգնություն ցուցաբերելուն և փախստականներին վերադարձնելու գործին աջակցությանը: