3388 նոր դեպք. ՌԴ-ում կորոնավիրուսը շարունակում է իր «գրոհը». ՌԻԱ «Նովոստի»

Ռուսաստանի 65 մարզում կորոնավիրուսով վարակման 3388 նոր դեպք է գրանցվել անցած օրվա ընթացքում, 28 մարդ մահացել է, իսկ 292-ը առողջացել է. հայտնում է Yerkir.am-ը՝ ՌԻԱ «Նովոստի»-ին հղումով։

Նշվում է՝ վարակվածների ընդհանուր թիվը երկրում հասել է 24.490-ի, առողջացել է գրեթե երկու հազար մարդ, 170 մարդ հիվանդության զոհ է դարձել: Անցկացվել է հիվանդության ախտորոշման ավելի քան մեկուկես միլիոն թեստ:

Նոր դեպքերի ամենամեծ թիվը գրանցվել է Մոսկվայում` 1774 մարդ, որին հետեւում է Մերձմոսկվան` 272 դեպք, ապա` Մուրմանսկի մարզը` 137 դեպք, որն առաջ է անցել ավելի վաղ երրորդ տեղում հայտնված Սանկտ Պետերբուրգից. այստեղ գրանցվել է վարակման 130 նոր դեպք: