ՌԴ-ում ծանր կորոնավիրուսային թոքաբորբի բուժման դեղամիջոցը փորձարկում է անցնում. ՌԻԱ «Նովոստի»

Ռուսաստանում մշակվել է շնչառական անբավարարությամբ ուղեկցվող ծանր կորոնավիրուսային թոքաբորբի բուժման ռեժիմ. գրում է ՌԻԱ «Նովոստի»-ն՝ Բժշկական և կենսաբանական դաշնային գործակալության տվյալներին հղումով. հայտնում է Yerkir.am-ը։

«Դալարգինի» վրա հիմնված բուժումն այս պահին կլինիկական փորձարկումներ է անցնում։ Դեղամիջոցը գրանցված է Ռուսաստանում՝ որպես տրոֆիկ խոցերի բուժման և հյուսվածքների ու օրգանների պաշտպանության միջոց` թոքեր, լյարդ, ենթաստամոքսային գեղձ: Կենդանիների վրա փորձարկումները ցույց են տվել, որ «Դալարգինի» օգտագործումը մեծացրել է ապրելու շանսերը 70% -100%-ով՝ դեղամիջոցի չափաբաժնից կախված:

Բացի այդ՝ լրատվամիջոցը հայտնում է նաև, որ երկրում սկսվել են նաև կորոնավիրուսի դեմ կլինիկական դեղամիջոցների հետազոտությունները։ Նշվում է՝ հետազոտվող դեղամիջոցներից են «մեֆլոխին»-ը, «գիդրոկսիխլոռոխին»-ը և «կոլիդավիր»-ը։ Թեստերը իրականացվելու են Ա. Ի. Բուռնազյանի անվան դաշնային բժշկական կենսաֆիզիկական կենտրոնում`COVID-19-ով ախտորոշված հիվանդների գրավոր համաձայնությամբ:

Հիշեցնենք՝ Ռուսաստանում կորոնավիրուս է հայտնաբերվել 7497 մարդու մոտ, որոնցից ապաքինվել է 494-ը, իսկ մահացել՝ 58-ը։