ՌԴ-ում 1 օրում գրանցվել է կորոնավիրուսով վարակման 7099 դեպք. ՌԻԱ «Նովոստի»

Ռուսաստանում նախօրեին կորոնավիրուսով վարակման 7099 նոր դեպք է գրանցվել․ վարակակիրների ընդհանուր թիվը գերազանցել է 100 000-ը. այս մասին տեղեկացնում է  «ՌԻԱ «Նովոստի» գործակալությունը՝ հղում տալով կորոնավիրուսի դեմ պայքարի գծով օպերատիվ շտաբի տարածած հայտարարությանը. հայտնում է Yerkir.am-ը։

Նշվում է՝ անցյալ օրվա ընթացքում կորոնավիրուսից երկրում մահացել է 101, ապաքինվել՝ 1333 մարդ։

Համավարակից ի վեր՝ ՌԴ 85 շրջանում կորոնավիրուսով վարակվել է 106 498 մարդ (մեկ օրում 7,1% աճ), հիվանդությունից մահացել է 1073, ապաքինվել՝ 11 619 հոգի։

Հայտնի է նաև, որ նոր վարակակիրների գրեթե 40 տոկոսը որևէ ախտանշան չունի։ Վարակման ամենաշատ դեպքերը գրանցվել են մայրաքաղաք Մոսկվայում՝ 3039: