Նյու Յորքի կենդանաբանական այգու վագրը վարակվել է կորոնավիրուսով. WSC

Նյույորքյան Բրոնքս շրջանի կենդանաբանական այգում բնակվող էգ վագրը վարակվել է կորոնավիրուսով. գրում է Վայրի կենդանիների պահպանության միությունը (WCS)՝ վկայակոչելով ԱՄՆ գյուղատնտեսության նախարարության անասնաբուժական ազգային ծառայության կողմից անցկացված թեստի պատասխանը. հայտնում է Yerkir.am-ը։

Վիրուսը հայտնաբերվել է Նադյա անունով 4-ամյա մալայական վագրի մոտ։

Նշվում է՝ կենդանուն վարակել է նրան խնամող աշխատակիցը, ում մոտ նոր տարածում գտած վիրուսի ախտանշաններ չեն եղել։ Այգու տնօրինությունը միջոցառումներ է սահմանել՝ անձնակազմի և կենդանիների շրջանում վիրուսի տարածումը կանխելու համար։ Ակնկալվում է, որ բոլորն էլ կբուժվեն: Կատվազգիները լավ ախորժակ ունեն և եռանդով են շփվում իրենց հսկիչների հետ՝ անասնաբույժների վերահսկողության ներքո:

Բացի Նադյայից՝ չոր հազ է նկատվել նաև նրա քրոջ, ամուրյան 2 վագրերի և աֆրիկյան 3 առյուծների մոտ։

Հավելվում է՝ սա ԱՄՆ-ում կորոնավիրուսով կենդանու վարակման առաջին դեպքն է։