ԱՄՆ Մեծ Կանյոնը փակվել է. պատճառը՝ կորոնավիրուսն է

ԱՄՆ-ում փակվել է «Մեծ կիրճ» (Grand Canyon) ազգային զբոսայգին. նման որոշման ընդունման պատճառն ողջ աշխարհում մեծ տարածում գտավ նոր կորոնավիրուսի համավարակն է: Այս մասին հայտարարությունը տեղ է գտել ԱՄՆ-ի զբոսայգիների ազգային վարչության կայքում. հայտնում է Yerkir.am-ը։

Զբոսայգու ղեկավարությունը նման որոշում է ընդունել՝ հետևելով ԱՄՆ-ի Հիվանդությունների վերահսկման և կանխարգելման կենտրոնի և առողջապահության պետական և տեղական գերատեսչությունների ուղեցույցներին:

Հավելվում է, որ չնայած փաստին՝ շատ հաստատություններ փակ են, հանրությանը դեռ հասանելի են որոշ բացօթյա վայրեր, բայց դրանց ցանկը պետք է նախապես ճշտել այցելելուց առաջ:

Ըստ վերջին տվյալների՝ ԱՄՆ-ում մինչ օրս կորոնավիրուս է ախտորոշվել 215.300 մարդու մոտ, որոնցից 5110-ը մահացել է, 8878-ը՝ ապաքինվել: