Հերի՛ք է նվաստացնել սեփական ազգին, մարդիկ չե՛ն հաշտվում ամոթալի դավաճանությունների հետ․ Ալեքսան Ալեքսանյան

Երևանում տեղի է ունենում «Մեր ձևով» շարժման հաշվետու հավաքը: Ստեղծման պահից ի վեր, ինչը մի փոքր ավելի է, քան կես տարին, շարժման ներկայացուցիչները այցեր են կատարել մարզեր և բացել գրասենյակներ: Շարժման ներկայացուցիչների տվյալներով՝ դրան միացել է ավելի քան 15 հազար քաղաքացի: Ինչպես լրատվամիջոցների հետ զրույցում հավաստիացրել են շարժման ներկայացուցիչները, արդեն իսկ իրականացվել են բազմաթիվ նախագծեր և մշակվելու է լավագույն ծրագիրը:

Սեպտեմբերին շարժումը նախաձեռնել է ստորագրահավաք՝ էլեկտրաէներգիայի սակագինը նվազեցնելու պահանջով: Ստորագրահավաքն արդեն ստորագրել է Հայաստանի շուրջ 50 հազար բնակիչ: Բացելով նիստը՝ շարժման ներկայացուցիչ Ալեքսան Ալեքսանյանը նշել է, որ երկրի ապագան պետք է կառուցվի չորս ուղղություններով.

Արդարություն. ինչպես հասարակությանը վերադարձնել արդարության զգացումը:

Բարեկեցություն. ինչպես Հայաստանը դարձնել բարեկեցիկ երկիր:

Ողջամիտ արտաքին քաղաքականություն. ինչպես կառուցել հարաբերությունները հարևանների և մեծ տերությունների հետ՝ չմոռանալով սեփական շահերի մասին:

Համերաշխություն: