Չինաստանի չորս քաղաքներ սահմանափակում են շարժը. պատճառը՝ կորոնավիրուսն է

Չինաստանի չորս քաղաքների իշխանությունները ներմուծել են հատուկ «անձնագրեր» տնային տնտեսությունների համար և սահմանափակել տեղի բնակիչների տեղաշարժը երկրում նոր տեսակի կորոնավիրուսի տարածման պատճառով, որի հետևանքով զոհվել է ավելի քան 500 մարդ. ըստ Yerkir.am-ի՝  հայտնում է South China Morning Post- ը

Նոր միջոցների համաձայն՝ Հանգժոու, Վենժոու, Թայժոու և Նինգբո քաղաքներում գտնվող բոլոր տնային տնտեսությունները, որոնց ընդհանուր բնակչությունը կազմում է ավելի քան 30 միլիոն մարդ, ստացել են «անձնագիր»: Այն մի թուղթ է, որում ներառված են անունը, հասցեն և հատուկ կնիքը:

Ամեն անգամ, երբ տնային տնտեսության բնակիչը լքում է բնակելի համալիրի տարածքը, պահակապետը «անձնագրի» վրա նշում է ազատման ժամանակը և ամսաթիվը:

Մեկ տնային տնտեսության բնակիչներին թույլատրվում է երկու օրվա ընթացքում դուրս գալ ընդամենը մեկ անգամ:

Հիշեցնենք, որ դեկտեմբերի վերջին Չինաստանի իշխանությունները հայտնել են Հուբեյ նահանգի Ուհան քաղաքում անհայտ ծագման թոքաբորբի բռնկման մասին: Այդ հիվանդության հարուցիչը դարձել է նոր տեսակի 2019-nCoV կորոնավիրուսը: